طريقة رفع الموقع على السيرفر المحلي IIS

How to host your website on local server  ?? 


السلام عليكم ورحمه الله وبركاته وبعد. : 

بعد آخر بوست تكلمنا عن عملية ال publish  ،، لتطبيقات الويب  وبعد الإنتهاء من عملية الببلش للمشروع بتجي خطوة تنصيب التطبيق ورفعه على سيرفر. ،، وطبعا معظم المشاريع بتترفع على سيرفرات سواء بإيجار أو سيرفرات محلية أو حتى سيرفرات مجانية على حسب الجهة المالكة للمشروع  ،، واحنا كمطورين هنا على حسب الاتفاقات البتحصل بين المطورين و أصحاب المشاريع لمن ننتهي من تطوير التطبيق حدنا الاخير معاهو انو نعمل ليهو ببلش فقط 😂😂 مسألة الرفع على سيرفر وكدة دا تاني مسؤلية المالك بتاع المشروع 😂 ،، لكن لا على حسب الخبرة والمعرفة انا عايز استعرض هنا واحدة من الطرق البعملوا بيها تشغيل للتطبيق بعد انتهاء عمليات الإغلاق والتنفيذ  ،، وهي إنو  : 
اي فريمورك بتاع تطوير تطبيقات عندو سيرفر خاص بيهو مثلا : في ال php عندهم ال ( Xamp , wamp ). ..الخ. ،، يلا هنا كمثال انا عندي هنا في ال asp.net  لمن انتهي من البروجكت عندي فرصة بتاعت سيرفر مجاني في نظام التشغيل ويندوز اسمو ( IIS ) عشان ارفع عليه التطبيق  وهو بكون موجود مع الويندوز بس بكون ما شغال ،، كل العليك انك تمشي تشغل السيرفر داا وتنشطو  وبعدها ترفع عليه تطبيقك بتاع الويب ( asp.net )  ،، وطبعا في الشركات لمن يجو يرفعو تطبيقهم ويشغلوه على السيرفر ،، هنا داا اتفاق براهو وعقد براهو 😂😂 يعني دولارو براهو 😂 شفتو النعمة الاحنا فيها دي ... وشكرررا🔥❤🤗